सारेगमप लिटिल च्याम्प्सका विजेतालाई विद्युतीय कार पुरस्कार

नेपाली बाल प्रतिभा रियालिटी शोको इतिहासमा पहिलो पटक विजेताले ब्रान्ड न्यू कार पुरस्कार स्वरूप पाउने भएका छन्। ‘सारेगमप लिटिल च्याम्प्स नेपाल’ सिजन २ का विजेताले पुरस्कारस्वरूप BAW Brumby नामक विद्युतीय कार प्राप्त गर्ने भएका हुन्।

एलआरआर मोटर्स र फर्मुला प्लसको सहकार्यमा उक्त पुरस्कार प्रदान गरिने भएको हो। सहकार्यको सम्झौता पत्रमा एलआरआर मोटर्सका निर्देशक जीवन कुमार शाही र फर्मुला प्लसका प्रबन्ध निर्देशक मनोज बोगटीले हस्ताक्षर गरेका छन्।

नेपालको रियालिटी शो इतिहासमै पहिलो पटक कुनै बालप्रतिभाले आफ्ना आमाबुबालाई नयाँ कार उपहार दिने मौका पाउने भएको आयोजकले जनाएको छ।