नेपाली राष्ट्रिय क्रिकेट टिमको जर्सी प्रायोजक बन्यो नासा सेक्युरिटिज

नेपाली राष्ट्रिय क्रिकेट टिमको जर्सी प्रायोजक नासा सेक्युरिटिज बनेको छ । जर्सीको मुख्य प्रायोजनका लागि आइतबार नेपाल क्रिकेट संघ (क्यान) र नासा सेक्युरिटिजबीच सम्झाैता भएको हो ।

सम्झौता भएसँगै  राष्ट्रिय क्रिकेट टिमको नयाँ जर्सी समेत सार्वजनिक गरिएको छ, जसमा नासा सेक्युरिटीजको लोगो राखिएको छ । 

क्यानले जर्सी प्रायोजनको टेन्डरमा न्यूनतम मूल्य २ करोड रुपैयाँ तोकेको थियो। टेन्डरमा विभिन्न कम्पनीहरूले आवेदन भरेका थिए ।

आवेदन दिएका कम्पनी मध्येबाट ३ वर्षसम्म प्रत्येक वर्ष २ करोड   ३६ लाख रूपैयाँ दिने गरी नासाले क्यानसँग सम्झौता गरेको हो ।