अनामनगरमा ‘एभरेष्ट कफी बिन्स’ सञ्चालनमा

संकल्प इन्भेष्टमेन्ट प्रालिले हस्पिटालिटी क्षेत्रमा पहिलो लगानीस्वरूप ‘एभरेष्ट कफी बिन्स’को नयाँ आउटलेट सञ्चालनमा ल्याएको छ ।

 सिंहदरबार पूर्वी गेट नजिक अनामनगरस्थित आउटलेट शुक्रबारदेखि औपचारिक रूपमा सञ्चालनमा आएको हो ।

कम्पनीले एभरेष्ट कफी बिन्सको फ्रेन्चाइज लिएर आउटलेट सञ्चालनमा ल्याएको जनाएको छ । कम्पनीका अध्यक्ष कृष्ण अर्यालले गुणस्तरीय सेवा, बढ्दो कफी संस्कृति र ब्रान्डको सम्भावनालाई ध्यानमा राख्दै लगानी गरिएको बताए ।

उनका अनुसार आगामी दिनमा थप आउटलेट विस्तार गर्ने योजना छ । नयाँ आउटलेटमा विभिन्न प्रकारका कफी, बेकरी आइटम तथा खाजाका परिकार उपलब्ध छन् ।

संकल्प इन्भेष्टमेन्टले एभरेष्ट कफी बिन्ससँग सहकार्य गर्दै व्यवस्थापन तथा कफीसम्बन्धी दक्षता अभिवृद्धिका लागि तालिमसमेत प्रदान गर्ने जनाएको छ ।

कम्पनीका सदस्य तथा एभरेष्ट कफी बिन्सका अध्यक्ष प्रेम सेन सुनारले आउटलेटको व्यवस्थापन सम्हालिरहेका छन् ।