पुस २६ देखि गतेदेखि पूर्वाञ्चल क्याम्पसमा प्राविधिक महोत्सव तरङ्ग हुँदै

धरानस्थित त्रिभुवन विश्वविद्यालय, इन्जिनियरिङ अध्ययन संस्थान (आईओई) अन्तर्गतको पूर्वाञ्चल क्याम्पसमा पुस २६ देखि २८ गतेसम्म बृहत् प्राविधिक महोत्सव ‘तरङ्ग: द वेभ अफ टेक्नोलोजी’ आयोजना हुने भएको छ।

क्याम्पसको कम्प्युटर र इलेक्ट्रोनिक्स इन्जिनियरिङ विभागमा अध्ययनरत विद्यार्थीहरूको संस्था एसीईएस (Association of Computer Engineering Students) र एक्सेस (Electronics and Communication Engineering Student’s Society) को संयुक्त आयोजनामा यो महोत्सव हुन लागेको हो।

पूर्वाञ्चल क्याम्पस परिसरमा तीन दिनसम्म चल्ने यस कार्यक्रमको मुख्य उद्देश्य सफ्टवेयर र हार्डवेयर समुदायलाई एउटै प्लेटफर्ममा जोड्दै नवप्रवर्तन, व्यावहारिक सिकाइ र व्यावसायिक सम्बन्ध विस्तार गर्नु रहेको छ।

महोत्सवका मुख्य आकर्षणका रूपमा सफ्टवेयर तथा हार्डवेयर ह्याकाथोन, प्रोजेक्ट प्रदर्शनी, इन्टर्नसिप मेला तथा विभिन्न प्राविधिक कार्यशालाहरू रहने छन् ।