अघि बढ्यो बिमा प्राधिकरणको अध्यक्ष नियुक्ति प्रक्रिया

नेपाल बिमा प्राधिकरणको अध्यक्ष नियुक्तिको प्रक्रिया अघि बढेको छ । सरकारले राष्ट्रिय योजना आयोगका उपाध्यक्ष प्रा.डा. शिवराज अधिकारीको संयोजकत्वमा समिति बनाएको हो ।

समितिमा अर्थसचिव घनश्याम उपाध्याय र विज्ञ सदस्यका रूपमा डा. खोमराज खरेल छन् । भदौ ९ गतेको मन्त्रिपरिषद्को बैठकले सिफारिस समिति गठन गरेको हो । यो समितिले अध्यक्षका लागि सरकारलाई सिफारिस गरेका तीन जना मध्कोयबाट सरकारले एक जनालाई अध्यक्ष नियुक्त गर्ने व्यवस्था रहेको छ ।

यसअघिका अध्यक्ष शरद ओझालाई सरकारले बर्खास्त गरेपछि सरकारले अर्थ मन्त्रालयका सहसचिव सेवन्तक पोखरेललाई अर्को व्यवस्था नभएसम्मका लागि बीमा प्राधिकरणको अध्यक्ष भई कामकाज गर्न जिम्मेवारी दिएको छ ।